Gleðileg jól!

Í dag er hátíð í bæ. Margt sem þarf að gera en það bara stemmning í því. Við Hjálmar vöknuðum klukkan 9 og horfðum á teiknimyndir í sjónvarpinu og fórum svo í Kringluna að klára síðastu gjafirnar. Það var fyndin stemmning þar, unglingskrakkar að afgreiða í búðunum og alveg búin á því eftir að hafa verið í brjálæðinu síðustu daga að vinna, lágu fram á borðin. :)

Ég ætla að njóta mín í kvöld með fjölskyldu minni og borða hamborgarahrygg og svo er ég búin að koma auga á nokkra girnilega pakka til mín sem ég hlakka til að opna.

Ég óska öllum gleðilegra jóla og farsældar á nýja árinu.

Sæti, 26 ára í dag

Sæti á afmæli í dag og ég bakaði súkkulaðiköku og fór í kjól. Át kökuna svo fyrir framan hann á skype-deiti. Söknuður í gangi hér á bæ.

Vel tekið á móti mér....

....eða þannig.

Rútan frá Leifstöð til Bsí var full af norsurum sem reittu af sér brandarana alla leiðina. Norsarar eru skemmtilegir finnst mér. Þeir lásu á öll skilti og bættu við dóttir fyrir aftan öll orð. Mér fannst það smá fyndið. Geysirdóttir!!! Osfrv :D
Svo fannst þeim svo mikið af jólaljósum "HERRE GUD!!!!!" hrópuðu þau upp yfir sig þegar þau sáu öll upplýstu húsin og upplýstu jólatréin. Ég varð einhvernveginn svolítið stolt, veit ekki afhverju. Svo var svo fallegt því það var snjór á jörðinni og fallegur himinn. Love it.

Á BSÍ var ég varla komin inn fyrr en drukkinn maður kom auga á mig og fannst ég tilvalið fórnarlamb til að áreita. Fyndnast var að það sást greinilega og fannst á lyktinni að hann var undir áhrifum en hann súpaði á malti á milli þess sem hann sagði að hann gæti séð líkama minn undir fötunum mínum. Mér varð á að segja "eru þeir farnir að breyta eitthvað uppskriftinni á malti núna". Þá tók hann upp pela úr vasanum "Viltu sopa?" spurði hann en ég svaraði með penu nei. "jú, fáðu þér sopa" sagði hann þá og tók um höfuðið á mér til að ná að hella uppí mig.

Á þessu korteri sem ég beið eftir pabba mínum að sækja mig var ég með þennan mann hangandi yfir mér reynandi að faðma mig og segjandi kynferðisleg orð. Þarna stóð ég og ýtti honum af mér, sagði ákveðið að hann ætti að láta mig í friði og hélt honum í ákveðinni fjarlægð. Ég leit á fólkið sem var þarna inni og vonaðist eftir hjálp en þau horfðu bara á og sáu greinilega að við vorum ekki þarna saman og að mér fannst þetta óþægilegt en gerðu ekkert.

Mér fannst ég samt aldrei missa stjórnina þarna og var ekki hrædd því mér fannst ég ráða við hann...en hvað vissi fólkið?

Jólin mín

Aðventan = Danmörk, Odense
Jólin = Ísland, Reykjavík
Gamlárskvöld = UK, London
Þrettándinn = Kenya, Nairobi

Víhhhh, gaman

...þetta lítur allt vel út. Ég á miða til Kenya og ég náði að kaupa mér ódýran miða til London frá Íslandi 30. des. Ég er búin að bólusetja mig fyrir Gulsótt og lifrarbólgu og stífkrampa, á reyndar eftir að leysa út malaríu og kólerulyfin en váhh, það lítur allt út fyrir að þetta sé að fara að gerast. Ég trúi þessu varla.

Í gær hitti ég eina sænska stelpu sem líka að fara út til Kenya. Hún býr á sömu hæð og Elva og ég hafði séð nafnið hennar á hurðinni en ég vissi ekki hvernig hún leit út. Svo stóð hún fyrir utan og bauð góða kvöldið þegar ég sagði "ertu ekki að fara til Kenya". Jú, sagði hún....ahhhh, þú ert íslenska stelpan sem er að fara og við erum að koma í mat til þín á sunnudaginn. Ég roðnaði smá því þessi dinner sem Teddi er búinn bjóða í var ekki alveg mér að þakka. En nú er ég allavega búin að hitta þau þrjú sem eru að fara og svo á morgun borðum við saman heima hjá Tedda litla þannig að þetta er fínt. Ég er þá kannski ekki alveg að fara ein í ævintýrið.

Fór í sænskt partý í gær hjá André og Jesper sem eru vinir hans Tedda litla. Þau töluðu sænsku allt kvöldið og voru með smá áhyggjur af mér en ég skil alveg og bara hollt fyrir mig þar sem ég er að fara að vera með sænskum krökkum í heilan mánuð all the time.

Annars er íslenska julefrokostið í kvöld og ég hlakka voða til. Er í julefrokostnefndinni þannig að það er búið að vera stúss í kringum þetta. Torfi hennar Elvu er kominn frá Íslandi og ætlaði að kaupa hrútspung handa Tedda litla....og hann skal éta hann! hahahah

Teddi við vini sína:
I am going to eat Sheep balls tomorow :) hahaa