Strippdagur

Í dag var strippdagur í skólanum. Þeir eru nokkir á ári dagarnir þar sem við þurfum að henda af okkur fötunum og skoða hvort annað. Í þessari viku erum við að fjalla um bakverki og hryggskemmdir sem er svolítið þurrt efni en ég á pottþétt eftir að hitta marga sjúklinga með þetta vandamál á mínum ferli þannig að það er eins gott að vera með á nótunum. Við vorum því að skoða hryggi hvors annars í tíma í dag og það var nú ekkert að sjá þar sem hryggir okkar voru bara eðlilegir hryggir....engir vandræðahryggir á okkar bæ.


Annars er byrjað að rigna og það er kannski bara gott því þá helst maður inni yfir bókunum. Annars eitthvað smá slöpp en ég var að súpa á smá járni áðan því ég held að ég hafi bara verið blóðlítil.

Í Odense er stemmningin að magnast fyrir Eurovision. Það er planað grill-europartý á laugardaginn en svei mér þá ég er meira spennt fyrir fimmtudeginum, því þá erum við jú með!! Þið megið endilega bjóða mér heim óðinsvéingar :p